بنیادی صفحہ » پاکستان » پاکستان پیپلزپارٹی کے رہنماؤں اور قائدین کے خلاف تھانہ سیکرٹریٹ میں مقدمہ درج

پاکستان پیپلزپارٹی کے رہنماؤں اور قائدین کے خلاف تھانہ سیکرٹریٹ میں مقدمہ درج

اسلام آباد: پاکستان پیپلزپارٹی کے رہنماؤں اور قائدین کے خلاف تھانہ سیکرٹریٹ میں مقدمہ درج کرلیا گیا
پولیس کی جانب سے سرکار کی مدعیت میں پیپلزپارٹی کے رہنماؤں اور قائدین کے خلاف تھانہ سیکرٹریٹ میں مقدمہ درج کیا گیا جس میں سینیٹر مصطفیٰ نواز کھوکھر اور راجہ شکیل عباسی سمیت 70 جیالے نامزد ہیں جب کہ مقدمے میں پولیس اہلکاروں پر حملہ، کارسرکار میں مداخلت اور توڑپھوڑ کی دفعات شامل ہیں۔

پولیس کی جانب سے درج مقدمے میں غیر قانونی جلوس، حکومتی اداروں کے خلاف توہین آمیز نعروں کی دفعات بھی شامل ہیں جب کہ مقدمہ میں کہا گیا کہ پیپلزپارٹی کارکن جلوس کی شکل میں نادراچوک آئے، کارکن حکومت، نیب کے خلاف توہین آمیز نعرے لگا رہے تھے، علاقہ مجسٹریٹ نے دفعہ 144 کے نفاذ سے آگاہ کرتے ہوئے منتشر ہونے کا کہا لیکن پی پی پی کارکنوں نے پولیس اہلکاروں پرحملہ کردیا اور کارکن رکاوٹیں توڑتے ہوئے نیب آفس کے بیرونی گیٹ تک پہنچ گئے۔
مقدمہ میں کہا گیا کہ پی پی پی کارکنوں کے حملے میں 9 پولیس اہلکار وصحافی زخمی ہوئے، حملہ کرنے والے پیپلز پارٹی کے 20 کارکن گرفتار ہوئے اور مصطفیٰ نوازکھوکھر، راجہ شکیل سمیت 50 افراد فرار ہو گئے تھے۔ ذرائع کا کہنا ہے کہ مصطفیٰ نواز کی گرفتاری کیلئے چیئرمین سینیٹ سے رابطہ کیا جائے گا اور چیئرمین سینیٹ کی اجازت کے بعد مصطفیٰ نواز کی گرفتاری کا امکان ہے۔

تعارف: Admin

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

x

Check Also

گورنر پنجاب چوہدری سرور کی استعفی طلب کیے جانے کی خبروں کی تردید

پاکپتن Oc گورنر پنجاب چوہدری سرور نے پاکپتن پہنچ کر دربار بابا فرید پر حاضری ...